Day 5 今日晨咁早就要起身，為的就係搭頭班７點的北斗２號去函館 一坐就坐左３個半鐘 全程車就係不停訓醒訓醒望下車外的雪景 千辛萬苦終於係10:31到達 爭取時間，去就係附近的函館朝市 第一站：釣イカ 一路釣一路釣，玩到你釣到圍止 你想釣邊條就條 做指揮的我仲驚過釣個個，噴水的就大獲了～哈哈 釣完即刻有師傅幫你處理佢 手起刀落 點擊圖片放大 +2 話咁快就成碟俾番你食啦 佢生命力驚人，食佢Ｄ觸鬚佢係會吸實你，死纏難打 一路食一路笑 不過其實佢就無咩味，我地只係貪玩同想試下食的口感only 食完本身諗住食魷魚筒飯 點知賣晒，咁就唯有周圍行下 點擊圖片放大 買左好多手信，以下係一人量 買完咁多野就緊係又食野啦 第２站：魚生飯＋芝士海膽 一向我對海膽都無咩好感 但我好仲意呢個芝士海膽，好好味嫁～～ 魚生飯望相就知道正啦，美味しい～～ 食飽飽拎住咁多野就緊係番車站放係locker啦 然後然後就出發去五稜閣 搭巴士去好快就到 玩完就行去搭電車 準備上山睇夜景 沿途又見到蕃薯，又買左～～好甜好好味呀 點擊圖片放大 美麗的建築物 建築物過後就係美景 由天光光到黑麻麻，隻手凍到薑左 真係好凍，但好靚呀 點擊圖片放大 夠鐘啦夠鐘啦，又要去第２個地方啦 函館的景色就是如此的動人 到達紅磚倉庫 入面好多野行，我地仲買左出名的芝士蛋糕：Pastry Snaffles 真係又濃又滑嫁！！ 睇埋個開燈儀式 (with 煙花)就去食dinner啦 去到函館緊係要試佢特色拉麵：あじさい 本店 點擊圖片放大 塩味拉麵～一別以往拉麵的肥膩之感 清清地，絕對係我杯茶 另一碗係白味噌拉麵，都好味 但我仲意塩味拉麵多Ｄ 除左拉麵要試，有一樣野，如果你無食過 就好似你無黎過函館咁 知道係Ｄ咩嗎？？？ 無錯，就係小丑漢堡包 由於時間關係，我地去左最近車站個間買外賣上車食 買完即刻趕番車站拎番Ｄ手信 然後等上車 搭尾班車都係早到好Ｄ，走左架車今晚就要訓街 上到車又開餐~食薯條 肉醬薯條，好味呀 即場食應該會更好食 個包就更加唔駛講 果然係人氣no.1 &no.2啦 極力推薦大家去食呀！！！ 番到札幌已經係23:17分 即刻番酒店沖涼訓覺 完～～ Facebook: Peppa 手作美食遊
