Day 3 (Part 1) 雖然第一次去東京，但因為唔係好好Shopping 所以就決定係飛北海道之前 去一轉箱根，親親大自然 講番正程 首先要好多謝Hotel Sunroute Plaza Shinjuku 俾我地寄存行李 點解咁講！？ 因為我地去完箱根之後，已經係要飛往北海道 根本唔會再番黎Hotel入住 佢地係有權唔俾我地放行李係度 但佢地真係好好人，無拒絕到我地！ 搞掂Ｄ行李 我地就去搭小田原線急行去小田急，再轉箱根登山鐵路到箱根湯本啦 沿途見到富士山呀 到達後，就出發行去食出名的蕎麥麵－はつ花 本店 沿途商店街因為太早，唔算好熱鬧 可愛型救護車同消防車 天氣好好，景好靚，成個人都好舒服 はつ花 本店 的賣點係佢地的麵無用到一滴水 淨係用蕎麥粉、自然薯同雞蛋，所以更能食到食材的原味 ［そば粉と自然薯、そして水を一切使わずに卵で仕上げた当店のお蕎麦は、独特の豊かな甘みと蕎麦本来のお味をお楽しみいただけます。］ 點擊圖片放大 叫左一個山藥同天婦羅 天婦羅唔油，粉薄 麵就唔駛講啦，質地屬於硬硬地的，非常扎實 味道好濃厚，好好味 而山藥隻味就特別Ｄ，汁相當的濃稠 加埋隻蛋真係一絕 食飽飽我地無即刻番商店街 反而仲去左玉簾神社（唔係行程入面） 哈哈～唔好問我點解會去 反正就係隨心，想去邊咪去囉 玩完行番出黎見到一班日本人圍住個爐係到不停燒燒燒 咁８掛的我地當然唔放過啦 哦～～原來係鋪頭提供的試食 只係要客人自己燒咁解 味道很好，本身都想買番香港 只係要雪同埋我地仲要去北海道所以放棄 食完的魚骨，有人仲拎黎餵貓！！ 最後買埋燒餅同試食左菜の花饅頭就出發去強羅 好甜呀，唔係我杯茶～試過就算了 Part 1 完~~ Facebook: Peppa 手作美食遊
