相信大家懷孕後身材都有好大變化，平時着開既衫褲都已經着唔落，要換過一批新。外衣可以穿寬鬆既T-Shirt或者裙黎代替，但胸圍同內褲就一定要更換，唔係超唔舒服。大家一定會問咁幾時應該要換過一批新既內衣同底褲？小妹覺得係因人而異，在乎自己身材而變，覺得唔舒服就要換過一批。而小妹就係5個月既時候開始買過新內衣底褲。至於點解撰淘寶？其實好多人對淘寶印象都麻麻地，但你地諗下而家好多名牌衫褲都係MADE IN CHINA，質地同用料其實同淘寶貨冇咩分別。當然你地需要根據評價去淘寶撰一D有質素既店，咁中伏既機會就會大大下降。另外，小妹亦都唔想太浪費，如果買得太貴，只係穿幾個月就唔值得。最後，小妹係淘寶買左以下2款產品，評價如下：1. 46蚊港紙有5條底褲小妹穿起既時候褲頭一D都唔緊，佢係V字設計，一D都唔箍肚。加上佢係棉質地，吸汗透氣。小妹已經穿左2個月，實在太舒服，最近打算再補貨添。 2. 56蚊有2個哺乳BRA小妹從前就已經好難買到一D合身既BRA，由於小妹上圍較細，下圍較寬，所以好多時候買既BRA胸個位太寬而走位，最後係換左運動BRA先解決到問題。而今次係淘寶買既哺乳BRA亦都有相同問題，小妹最後結論應該係自己問題⋯⋯所以舒適就談唔上，不過質地係柔軟，而且好透氣，加上佢送左延長扣，到後期，胸部大左又可以繼續穿。另外，佢係前開扣BRA，之後哺乳亦都可以用返。所以小妹推薦大家如果身材唔似小妹咁麻煩，不妨買一個試下。題外話：小妹最後都係買過新一批運動BRA黎解決⋯⋯ 如果大家想知道淘寶LINK，歡迎留言/INBOX小妹～
