如果大家睇呢篇文章，恭喜你已經成為媽媽。如果你都係新手上路，大家可以參考我以下做法。確認懷孕後，應用要做D咩？1. 預約公立醫院產檢由於只是剛懷孕，相信大家都未決定到係公立定私立生，所以無論如何都預約左公立先，等自己有返個record，另外，小妹爬文見好多特別既病例最後私家都會refer返比公立，所以十分建議大家一定係公立醫院keep record。小妹既方法只係download HA apps，預約產檢，步驟係好簡單，只要upload你既身份證、住址證明同懷孕證明（家計會/診所開）就得。呢個時候你可以撰埋自己係邊間醫院產檢(即是你生BB亦會同一間），小妹建議是撰返同一區，有D媽媽可能會因為邊間醫院出名而跨區。小妹就唔建議，因為如果touchwood有咩事仲要搭個幾鐘車去到醫院都真係好麻煩。另外，由於產檢預約都好耐，有些醫院可能因為跨區又reject，到陣時你又要重新排過產檢條隊，得不償失。之後大概一星期左右，HA APPS會通知你係邊日預約成功，同埋醫院姑娘都會打電話同你確認資料。咁小妹就大概係12周既時候約左做早期唐氏檢查。另外，姑娘都會比多一個日期你就係第一次見醫生，大概係15周左右，都係度高磅重量血壓等一般檢查。2.預約早期懷孕檢查（超聲波）心水清既媽媽見到醫院個期都好擔心，由你知道自己懷孕到你第一次做唐氏都差唔多過左一個幾月。小妹爬文見到有好多特別例子，例如係假懷孕、宮外孕等。小妹唔想呢個幾月提心吊膽，就係大概9周既時候預約左家計會做一次超聲波，上網爬文如果太早就咩都照唔到，而且嚇親飽，所以大家起埋要等到幾8-10周先好做超聲波。小妹見到胎兒有心跳，有初步成型，個心就定晒，價錢大概係500蚊左右，買左個安心。不過係家計會做早期懷孕檢查必須都要係果到做左驗孕先，所以如果大家之前係家計會做過，今次可以直接做。不過大家如果有相熟既診所，亦都可以係出面做。唔知係唔係香港都係咁，做咩都要爭分奪秒，好多booking真係要提早預約，特別係出名果D，所以大家真係要提早計劃下，因為產檢係唔等人，過左時段就唔做得。咁多位準媽媽一齊加油，附上小妹BB既超聲波(shyshy)，大家估下係男定女，下回開估～
