話明係自駕遊，點可以唔講租車？ 經過上網爬文後，發覺最抵租車公司係AJ Rent A Car，我地租左5日只需要172,000KWD (平均都係200幾蚊港紙一日，已經包含左Normal CDW保險及稅等) 我的柴可夫說沒有要求車款，所以我就撰左最便宜 (我們都是實際派) 正當想同大家介紹AJ 時，再次登入網址，發覺同SK Rent A Car 合併左，而且已經冇左英文版，得韓文版。 (如果你地係識韓文，你地可以去SK睇下比較下價錢) 不過小妹就係唔識韓文，所以都係算 由於小妹沒有租過其他公司，所以就不介紹。大韓航空有介紹不同租車公司，大家可以自行比較一下。(可以拿以上係AJ Rent A Car 5日租車價錢作對比) 溫馨提示，有些租車網站只有韓文版，如果只提供韓文版，有可能職員只會說韓文。要有心理準備可能溝通上有困難 網址：https://www.koreanair.com/global/en/skypass/earn/car-rentals/car-rentals-details.html 介紹不了AJ，就同大家講下一般租車流程及注意事項，基本上不同公司運作大致相同。 保險 - 一定要買保障自己 (大致分為Normal & Complete Exception CDW，Normal是最高賠償50,000KWD；Complete Exception 全免賠償）當然不同保障價格唔同，請按自己能力同需要購買 (柴可夫揸開車，所以我地只買了Normal) 取車處 - 在機場附近。基本上所有租車公司接駁巴士都係濟洲機場1樓出行去的Gate 5，上車後大概幾分鐘就去到取車地點。 機場租車地點 - 如果沒有預先係網上預約租車，可以即場到濟洲機場1樓Gate 2 counter 辦理。(如果係旺季，等候時間會好長) 取車文件 - 職員會同你講解並收取費用 (如果沒有在網上收取)，並交給車匙及說明車泊的位置 (請記得帶備國際牌，Passport，香港駕駛證） 取車檢查 - 找到車後，請仔細檢查車身及車內是否有任何損毁及問題。出車前，職員會同你核對一次 (如果有咩不明白，一定要係呢個時候提出。如我地不懂得輸入GPS，因為只有韓文版) 地圖 - 韓國是不能用google map，所以出發前請先 download naver map 景點GPS - 只要輸入景點電話號碼便可 (車內有旅遊小冊子/網上找) 緊急電話及還車地點 - 資料都在簽署文件上，有什麼事可以聯繫租車公司，還車地點只需輸入租車公司提供的電話號碼便可。 還車 - 職員檢查一下車。如沒有問題，可坐接駁車回機場。 希望以上要點可以幫到大家係濟洲租車，如果有任何問題，歡迎留言
