爹Dee媽咪嘅救星，小朋友嘅放電天堂！ 嚟自芬蘭嘅一站式室內遊樂場已經嚟咗香港差不多半年喇~ 但原來身邊好多家長都未聽過有SuperPark呢個地方，所以今次真係要認真介紹下！ 簡介 SuperPark早已響2012年於芬蘭成立，話說當時創辦人Taneli Sutinen坐響咖啡店睇報紙嘅時候，佢四歲嘅女握着佢手臂，堅持要同佢一齊玩。 當Taneli玩緊狹小嘅兒童滑梯時，靈機一觸﹕點解唔整返個可以同時比小朋友同大人一齊玩嘅活動公園呢﹖於是『SuperPark生活模式』嘅概念隨即應運而生。 樂園設施 Superpark一站式室內活動樂園，提供各式各樣、迎合唔同喜好嘅遊樂設施，滿足不同年齡、不同個性嘅家庭成員。 樂園一共分咗三個區域；冒險地帶，遊戲競技場，自由式殿堂，依家就為大家介紹幾款必玩設施。 冒險地帶 空中滑索 - 沿著軌道由起點飛快滑向另一端，既可享受速度亦可鍛鍊核心肌力嘅膽量挑戰，大人細路都玩得！ 跳彈床 - 呢區仲有海綿池和攀石牆，家長可放心比小朋友響呢度伸展身體，響最安全嘅環境下盡情玩樂。 超級車呔滑梯 - 拖住輪胎走上最高處，再急速滑下，同好友一齊大聲尖叫！鍾意刺激嘅朋友千祈唔好錯過！ 遊戲競技場 彈珠足球場 - 鬥搶分！一個採用足球、用腳踢嘅超級彈珠遊戲，最適合熱愛踢波嘅您！ 投籃挑戰站 - 緊張刺激嘅電子籃球遊戲，係NBA球迷嘅必玩遊戲，嘗試響限時之內爭取最高得分！ 瘋狂勁舞台 - 一起森巴舞，撥走不滿，發洩發洩你苦悶！響呢個遊戲入面，參加者要跟住遞增嘅速度順序踏中正確嘅踏板。顯示屏會展出腳踏嘅位置同分數，睇下邊個先係舞林高手！ 自由式殿堂 數碼攀石牆 - 與別不同嘅電子互動攀石牆，將電子元素注入不同類型嘅遊戲，令攀爬挑戰性大大增加！ 超級智能拳手 - 超級智能拳手可以因應你嘅動作作出反應。呢個項人工智能遊戲絶對老少咸宜，令你學會如何改善手眼協調、平衡及準確度。 巨型彈床區 - 為認真玩雜技嘅能手而設嘅專業彈床， 比您一展身手，隨時翻個筋斗跳入海綿池！ 訂票優惠 可參與這個優惠情報站，定期會更新Superpark訂票優惠。 前往方式 地址: 香港九龍海輝道18號一號銀海地下 由奧運站E出口步行15分鐘左右
