🎏 港島吃貨系列— Milu Thai✨ 近期火紅嘅泰國餐🔥#90cp銅鑼灣篇 #90cp泰國篇➖➖➖➖➖呢間近期紅到爆嘅泰國菜 相信大家已經係IG俾foodie 們洗版洗到傻咗😂 既然咁多人嚟試 搞到我都跟返上個潮流 來試一試佢嘅招牌 — 火山排骨🌋美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ 火山排骨 $198呢個招牌菜當然要試一試🌋🔥 之前喺泰國火車頭夜市已經出晒名 一上菜真係嚇親 超級巨型 而且咁嘅價錢嚟講真係幾抵食🤩 要用手食嘅關係 令成件事變得更加惹味 而且佢肉質都算淋 唔算好難拆出嚟食😌 食嘅時候可以點酸辣並重嘅芫荽汁 都非常juicy😏 不過唔知點解食到尾聲就越食越辣 我呢啲食辣BB級嘅就越嚟越搞唔掂😂 ✨ 冬陰功 細 $118估佢唔到咁好飲😱 劈頭第一樣食嘅嘢就係冬陰功 我覺得佢仲辣過個排骨😂 仲要勁多辣椒籽辣到我趴喺度🥵 不過老實講佢係好好飲 因為佢辣得嚟保持到酸嘅味道 而且好足料 湯入邊都有唔少蘑菇 同埋一隻蝦🦐 唯一缺點就係隻蝦嘅肉質比較霉 不過如果齋講個湯 真係唔錯絕對係中上級數!! 🔸 炸蝦餅 $78可能前兩個都太出色 所以顯得呢個炸蝦餅比較普通🙈 典型炸蝦餅 表皮都算脆 蝦餅嘅肉質都唔會好鬆散 配搭泰式辣醬又係冇得輸😌🔸 黃咖喱雞 $98 + 薄餅 $38呢個反而有啲失望🙈 首先佢嘅薄餅唔係我食開好煙韌嗰隻 而佢係整得比較脆同埋硬身🤨 不過$38有8pieces 佢都算抵食🧐 至於咖哩方面我就覺得普通 佢個醬汁比較稠 但係都唔差嘅 雞方面都還好 唔會太鞋🙌🏻 但整體都唔算太突出 有少許失望😗 ✨ 芒果糯米飯 $78最後都要整多個甜品🥰 我嘅最愛芒果糯米飯!! 佢嘅糯米配上椰汁整得都幾好食 而且糯米上菜嘅時候都係暖嘅 而且都幾大份😲 唯一要挑剔嘅係佢嘅芒果某一兩舊比較酸🙈 🍹乳酸梳打 青檸梳打 $28/杯兩杯都唔錯 啱晒用嚟中和辣味🔥🤣💰Total: $730✅ 我覺得佢所有嘢都幾大份而且幾抵食🤭 食咗咁多都係$700咋!! 但係我已經飽到上頭殼頂🤣💡溫馨提示💡閑日晚市過嚟都幾多人 如果大家想嚟嘅可以打電話嚟問定有冇位🤣 同埋場內會越食越熱 (可能因為辣😂) 大家可以留意下🔥➖➖➖➖➖📍 Milu Thai มิลู่ไทย (銅鑼灣)銅鑼灣耀華街3號百樂中心2樓