小妹最最最穩陣既理財之小道，個個人都做到，最岩大小師奶門！ 先自介初入職月薪13K，做左野一年5個月，最近2個月月薪到17K，月儲起碼10K，屋企兄弟姊妹好彩比較多，家用2.5K，而家儲蓄應該過左200K。 又去圖: 衣 最好注重品質，因為人愈大，寧有一件質地好既，比十件差既好，原因係，你明的，香港係幾重視牌子既一個地方，傻的，當然係著得舒服，雖則小妹都曾MK過... 但又要節流，當然睇實減價，又要型又要錢啦 方法：1. 開倉網：http://www.getjetso.com/forum/%E9%96%8B%E5%80%89-tag PS：衫褲鞋襪波鞋 所有野 減價最勁既季節係每年二到三月，即新年左右，次勁既係聖誕前後，最醒既當然隨時望實你想要既野，格過價你就知邊樣野咩價錢最抵買，凡買咩野都過3，意思即係經過望過3次以上先可以買，分清 想要 同 需要！ 2. P＆G網頁：https://www.livingartist.com.hk/tag/%E7%94%A2%E5%93%81%E8%A9%A6%E7%94%A8 拎旅行試用裝，又慳一筆。3. Tradeduck：http://www.tradeduck.com/index.htmlH 屋企所有唔岩用但又係新既野，係度可以換咩都得，又再慳一筆。 4. 平時盡量信用卡積分：我就用恆生Enjoy卡，免年費，簽＄200換＄1（現金回贈）但呢招只For勁有自制力人士用，如果你儲唔到錢，就絕唔建議用！！ 食盡量癡屋企啦，帶飯是常識掛！！！ 住都係果句，住屋企啦！ 行交通盡量搵條最平既交通工具，我咩都地鐵嫁，好似比較準時，好似係... 玩睇戲：信用卡回贈有飛嫁！行山：自己整野食每次$20-30，有個鐘意行山既女朋友係唔錯既;)食飯：可以既就屋企，唔可以既就食平靚正，得閒睇下新假期，睇岩邊間，就上網搵XX優惠，間唔中拎到7-9折既Coupon都唔錯，多數係團購或者係Openrice有折。得閒會返大陸書城睇下書，買2本都同交通費抵銷左，我平時都會扮下文青睇下書既，OK抵。 開源好多方法，我只講我用過既。 多睇FB，試用裝／比賽／咩優惠都會間唔中有，見到岩既就JOIN，我試過短文比賽贏酒店住宿／Body Lotion果類，有時仲會有現金獎。仲有咩短片比賽，你鐘意咩就Join咩，呢類好少人Join，你是但打篇野都會中，我話既！ 叻咩就做咩，我叻數學同整網頁，補習太攰，會考慮慢慢接網頁Freelance，但我想創業先，而家開始學網上賣野同marketing。 我亦會賺信用卡迎新禮品，反正朋友都會買野，米幫佢地Look，記得要佢地即場俾返錢你，安全為上，有時迎新禮品都賺到部單車返黎。 公司有推介人既介紹費，我都諗緊點樣可以賺到呢筆。 學緊股票，起碼唔好蝕左通脹先。 總之果句，每個人身邊都有唔同既賺錢方法，睇你搵唔搵到姐，留心D搵自然就有！我做到，你又點會做唔到！ 九十後・美魔女・隨意寫・隨心睇✿ 轉載註明出處常識吧│歡迎邀稿│合作試用│出席活動 ✿
