上回講到：閉合性粉刺慘在一大堆咁生係面上，支佢簡直支唔完，可以比得上"粉刺支不盡，春風吹又生"。咁有咩計仔呢，首先，當然唔好再支，原因係支左果下感覺好正，塊面平晒，但慘在毛孔好易受到細菌感染，原本白色一粒粒既面就變成紅色一撻撻既面，慘不忍賭，仲衰過唔整果時，但唔支又長期Keep係塊面度，心入面簡直想打爆人！開始啦，點醫！1.用果酸產品將D閉刺變暗瘡，唔好問，閉刺係去唔到，只有變成暗瘡，先可以一勞求逸咁解決佢，自用果酸產品：更生活膚啫喱面膜Gel Plus - NeoStrata2.閉刺變左做紅腫暗瘡，即用醫暗瘡既方法醫，呢個隨意，你自己覺得咩好就用咩自用覺有用產品：彩豐行蘆薈暗瘡甘菊抗炎面膜自用覺冇用產品：Body Shop茶樹系列3.暗瘡醫好就醫暗瘡印，呢個就真係要試清楚，我用呢隻係好睇人用，我自己就用得唔錯，大約3日就冇晒紅印，黑印就比較麻煩D，起碼用一個月左右先退到自用覺有用產品：Egyptian Magic 埃及魔法膏（你直接去網上睇下評價就明我講咩，不過多數係大陸人用得多）4.保持愉快心情，做一系列加速新陳代謝既野，例：運動，11PM-2AM美容覺，健康飲食，你實會好，一定會！ 完啦⋯⋯謝你支持啦！！！ 九十後・美魔女・隨意寫・隨心睇✿ 歡迎邀稿│合作試用│出席活動 ✿
