更多更新的網誌可以到https://spd4290sitetravel.wordpress.com/! 今次黎到位於九龍塘嘅浸會大學,浸大嘅影相打卡位可以話係非常之神秘啊,我地係去之前都用左唔少時間蒐集資料先搵到一啲咁靚嘅地方。 浸大校園入面有好多綠化嘅環境,我地喺浸大嘅校網入面發現佢地綠化校園嘅設施,https://sustainability.hkbu.edu.hk/index.php/wwrd/listing/cid/6/l/tchinese/p/1.html 連結入面嘅地方都非常之靚,而我地今次就選擇左幾個地方影俾大家睇。 首先,我哋先去位於新校舍逸夫校園嘅思齊樓打卡,到達5樓之後,經過唔同嘅課室就可以見到依個門口啦。位於思齊樓5樓嘅花卉園為一個小小嘅露天花園,入面雖然面積比較細,打卡位都係有嘅。 因為花園位置被隔離的大樓遮擋住陽光,所以當時影出黎嘅相會顯得比較暗。但係大家唔洗驚,因為我地係可以透過APP嘅幫忙,將幅相變得“Instagrammable" ♥ 透過APP嘅幫助下,色調即刻變得復古懷舊,凸顯出有種黃昏嘅陽光感覺,完全睇唔出本身嘅環境係非常昏暗嘅。 同埋喺度同大家分享一個拍照小貼士,好多女仔影相嗰陣都唔知應該擺咩pose,其實唔望鏡頭、側面、低頭,都係一啲非常唔錯嘅pose。 2 同埋如果有時候幅相有啲單調,應該點算?我地推薦可以將幅相加上一啲特別嘅細節,就例如將幅相嘅邊邊加上一啲彩虹vintage filter,加左之後即刻將幅相變得比其他人特別。