. 「失去左先會珍惜」呢句野真係好鬼中point 人永遠唔到嗌交嗌到分手個刻都唔會識驚 有啲野真係冇左就係冇左 即使到最後比你地一齊返都好 都唔會可以返返去初初一齊個種感覺 um...個種感覺 我諗大家到而家回味返 都仲識得甜笑 或者你心入面可能已經諗緊佢 唔知呢個佢仲係咪你而家既男/女朋友定已經變左前度呢？ . 有時真係會諗唔明點解愛情可以咁脆弱 前一秒明明大家仲係一對有講有笑兼十指緊扣既好情人 轉個頭可以180度變成比陌生人更陌生既路人 曾經有人同我講過愛情就好似一個玻璃球咁 表面包裝到幾靚都好 始終都會有唔小心打爛佢既一日 就等於旁人睇你地就似一pair好恩愛、人人都羨慕既情侶 但事實上真係只有你地先知道大家實質既哩段關係究竟係咩一回事 可能到左有日你地既關係已經去到無法修補既時候 你地先發現呢個原本哩個咁美好既玻璃球已經唔可以返返去以前咁完美、咁值得人去欣賞 . 一段關係一有裂痕 即使你再幾努力去維繫都好 始終都係會有瑕疵 所以千其唔好諗住出現問題先去解決 咁樣只會令到條裂痕越黎越大 而且對對方既誤解會更加深 其實有時就係大家以為對方唔明白自己 但根本就冇嘗試過問對方諗緊啲咩 係愛佢既就試下踏出第一步啦 呢啲野冇話一定要邊個做主動架嘛 8laah.life ig: 8laah.life 8laah.life fb: https://www.facebook.com/8laah.life/
