話說小弟皮膚一直都差，暗啞暗瘡毛孔黑印，乜都齊，上網做下功課，見到維他命C可以有效修復皮膚，於是去屈臣氏睇下有無邊隻啱。 維他命C嘅美容product都幾多下，我從來未用過，真係唔知邊隻好，上網睇大部份都係絲打share，唔知邊隻啱男仔皮膚，唯有求其試試先算，於是就搵Sales姐姐問下。 Sales姐姐就推介咗我呢隻Dermacept c10，本身我上網都有見過，都認得呢個牌子，印象中都冇咩負皮，就買嚟試下啦，四百幾蚊一支，都幾肉痛，但為咗皮膚，冇辦法啦~~ Dermacept c10，味道很香的 之後嘅日子，我每次早晚洗完臉就會用呢隻精華，佢味道幾好的，好香嘅橙味，搽落去有少少乸，係接受到嘅。 我跟著佢寫嘅使用方法，每次用都會滴3下，集中於暗瘡印位置，但頭一兩星期都無咩改善。 每次使用3-4滴，早晚使用~ 咁我都知想皮膚變靚係唔急得，於是就好畀耐性咁繼續用落去。 可惜第三星期，第四星期，直到用咗一個月多少少都係冇咩效果，支野都用咗大半LU，大部份暗瘡印都冇咩退過，最多收咗少少毛孔，但皮膚仍然暗啞... 可能係我洗臉步驟錯咗？（洗臉乳>爽膚水>Dermacept c10精華>乳液） 或者係可能C10對我嚟講係唔夠，要買C20先得！？（維他命C濃度）... 可能對其他人有用啦，但對我嚟講，呢支嘢試完就算了，因為效果唔理想，無咩效用。 可能要買C20先啱我皮膚掛... 效果：●●○○○ 抵買度：●○○○○ 回購率：●○○○○ Facebook : https://www.facebook.com/8goalman/ +1個like代表您對我的1份支持+
