小弟腸胃不嬲都差差地，打完邊爐或者食次韓燒，第二日個肚多數嚟料，如果double上，例如一日打邊爐第二日就BBQ，通常都要喺廁所坐一日。不過自從認識咗康萃樂之後，終於好返好多。 其實我初時見到地鐵賣廣告都冇留意，但後尾我屋企人喺佢Facebook玩咗d mini game之後中咗盒，跟住我有次夜媽媽真係勁搞肚頂唔順，諗住試下一粒睇下有冇用，點知神奇嘅事就發生了，大概二十分鐘後，本來翻雲覆雨嘅腸胃慢慢平靜下來，第二日仲屙得好順暢，估唔到煩惱咗我咁耐嘅事，一粒膠囊就搞掂。 我食緊成人素食膠囊，此乃舊包裝。 其實了解多少少，康萃樂喺美國幾出名嘅牌子嚟，佢就聲稱話全球銷量No.1，我就唔知係咪堅，而佢每一粒嘅膠囊都有鼠李糖乳桿菌(LGG)益生菌，有效平衡同改善胃腸道功能、增強人體自身免疫能力、預防同幫助治療腹瀉。 上網睇佢仲話可以解決便泌，減低口臭，就連鼻敏感、濕疹同暗瘡都可以搞得掂，我就唔係好覺啦，可能係因為我每次肚痛先食，而盒嘢其實係叫人地每日都需要食一粒，先可以有效果。 可能其他人食佢係for日常調理，但對我嚟講佢係止肚痛神藥，食哂之後我都有去萬寧買。其實佢都算平，兩百幾蚊一盒有30粒，但我都唔係好捨得日日食，始終都係慣咗有事先食，即使食咗咁多次，都仲係好有效！ 一盒有30粒，For你日日食。 但要注意，我有朋友食完之後第二日即刻發燒，可能係因為排緊毒素，不過佢就唔敢再食，我又有第二個朋友食完之後便泌解決左，日日都食緊，亦都有第三個朋友每當夏天都會有濕疹，食完竟然真係又冇復發。 所以話，效果因人而異，唔好以為係仙丹喔。同埋如果唔鍾意食膠囊或者覺得效果太勁嘅話，可以試食兒童咀嚼片，小朋友同大人都食得，如果小朋友有腸胃問題都可以解決到的，味道似曲奇，甜甜地咁，不過細路仔最好都係問下醫生意見先啦。 一粒膠囊是咁樣的，吞落去無味。 效果：●●●●○ 抵買度：●●●●○ 回購率：●●●●● Facebook : https://www.facebook.com/8goalman/ +1個like代表您對我的1份支持+
