宜家多左好多人來中部旅行, 等我試下用港人身份寫下食記, 俾大家參考下. 始終都係覺得我地港人識食好多 XD 第一餐 港人最愛日本野~~~~ 去開日本嘅朋友可能都聽過藏壽司, 佢係日本4大壽司連鎖店之一, 來得台灣開鋪. 當然個格局會同日本差唔多啦. 都係會有扭蛋同ipad落單架~ 外觀好吸引, 台中餐廳嘅空間比台北更大. 好多餐廳嘅外觀都做得好靚, 好有特色 香港人最緊要快, 最好係 app book左位先, 小tips係要有台灣電話no先可以book架, 所以大家一到台灣就好即book! 現場等位人太多真係太唗時間啦... 一入門口就見到呢張poster. 311大地震時台灣對日本捐款金額非常高，店家好窩心咁報答台灣的恩情。 係book左嘅時間準時到達, 店員會叫number就可以準備入坐, 大概等15分鐘到. 非常有效率呀 (大讚! ) 侍應會問你係咪第一次來, 答係的話會同你做個簡單介紹. 跟住會俾呢個牌你, 指示你坐位位置 茶水wasabi都係同元氣千兩嘅格式差唔多 即刻睇下有咩食先, 全部order都係用pad 搞掂, 完全不經人手. 因為人流多, 轉盤上面嘅野食都好新鮮, 真係可以一入去坐底就開餐 點擊圖片放大 order嘅介面都好方便易明 無論叫咩野食, 都會經呢條轉帶送到你面前. 大家叫拉麵或熱食記得要小心d囉落來呀~ 上面果條係送你order左嘅餐點, 下面就係大路迴轉壽司 部份餐點 點擊圖片放大 +3 食完嘅碟就要掉入去呢個位置, 食夠5碟就可以抽扭蛋. 不得不讚日本人真係好聰明, 慳左人手仲順便sell你食多幾碟. 個個最尾都會湊夠5倍. 每次夠5碟pad就會自動抽獎, 呢次我地都有中呀~~ 會定期有唔同嘅主題, 引你多d來幫襯! 埋單時㩒個制, 侍應就會過來同你confirm你叫過嘅order. OK後就可以出去櫃檯找數, 不設加一架~ 整體來講, 因為店家係target4-6人嘅客群, 所以大部份都係卡坐.環境唔錯. 不過繁忙時間會限食1個鐘. 現場都好多一家大細來食, 小朋友嘅食物選擇都好多 , 有烏東, 拉麵, 熟嘅壽司, 雪糕甜品等都有齊. 唔怕唔啱食. (我本身係唔食刺身的, 都覺得選擇好足夠~) 食物質素的話, 以NT40/碟呢個價錢食呢個質素係滿意的. 比較有驚喜嘅係熱食做得幾好. 今次食左15盤+味增湯+天婦羅, 2個人共NT720(大概HKD200都唔洗), 來旅行食得太滯, 食翻餐light小小, 呢間都唔錯架! http://www.kura-corpo.co.jp/taiwan/ 北部: 台北館前店(全球旗艦店) : 中正區館前路12號5樓 松江南京店: 中山區南京東路二段101號B1 桃園春日路店: 春日路618-1號2樓 林口三井Outlet店: 文化三路一段356號B1 中部: 台中中清路店: 北屯區中清路二段777號 台中廣三sogo店: 西區台灣大道二段459號14樓 台中福科路店: 西屯區福科路231號 * (我去呢間, 最方便係坐的士去) 南部: 高雄漢神巨蛋店: 博愛二路777號7F
