突然想寫反blog, 最主要原因係係聽到有位港妻將會同台灣老公分居 見到好多人都成日話"嘩,你嫁去台灣就好啦. 其實過得好唔好, 好睇你嘅際遇. 除左男主角之外, 佢嘅家人, 朋友, 你嘅工作, 同你個人本身性格都影響晒成件事. 所以想分享下幾個point俾考慮來台嘅姊妹.大家可以參考下,衡量下再做決定一個適合自已嘅決定. 1. 經濟條件 無論咩情況下$$都好明顯係最重要. 要記住你搵港幣洗台幣時, 當然所有野都好平. 但當你搵6,7千港紙 (前提你要搵到工先,之後再詳談呢方面) 然後你要俾香港家人嘅家用+ 供香港份保險 (點都要有plan B, 千其唔好cut單呀!) + 回港嘅機票 (用自已錢! 幾時反, 反幾多次, 呢d嘅外人意見可忽略) 你會發現根本冇可能會有多餘錢剩, 男主角有冇能力負擔其他一切開支係非常非常重要架!! 2.工作 本身係專業人土或有特別技能嘅, 會比較易搵到相關嘅工.台灣社會比香港多元, 有好多輕工業, 農業, 電子業嘅工作. 不過大部份姐妹本身都係OL, 係搵工上面港女嘅優勢就係英文 (我遇過大學生唔知female係咩....) . 一定要去考TOEIC, 攞左呢張英文能力cert就有個標準去見工 (做下d練習 攞最高級別金色絕對冇難度) 然後可target有外貿嘅公司, 專對外國客的工作. 人工就好睇你邊一區了, 北部最高 (都好少到HKD1萬) 中南部比較低 (HKD6,7千). 大家千其唔好低估搵工呢一part. 呢個係融入當地生活最重要嘅一環, 好多姐妹搵唔到工, 但又唔想做服務業 留係屋企諗得多變左抑鬱 , 搞到自已好唔開心, 何必呢 3. 移動能力 除左北部市中心, 交通網絡拍得住香港外. 大部份地方都係渣車先方便 可以的話機車係必學 (衝破自已心理關口啦) 好多窄巷冇位泊私家車的, 機車的確係方便好多 (我本身踩單車都有問題 都覺得機車比單車易操作, 所以你都得嘅) 學左機車, 大概知道路上潛規則後. 再渣私家車就得心應手好多 (好多機車唔守規矩) 太長我怕都冇人想睇 , 寫住咁多先 bye~ (我實在係一個太懶寫野嘅人 .......過左來台灣後就冇再update過我個blog....其實話忙但係冇咩野做, 但就成日的唔起心肝寫,去到d景點/ 餐廳 成日都唔記得影相drop低資料...咁都想學人寫blog好似有d難...)
