話說本宮要嫁去台灣，一早已經上網睇左有一萬份form要填，二萬個證要搞，真係見到都煩。本來想叫管家去搞，不個我信佢唔過，咁好啦。自已搞囉。 行程如下： 1.單身證明 > 婚姻登記事務及紀錄辦事處 (香港金鐘道六十六號金鐘道政府合署低座三樓) 首先係公司dl定份form順便填埋先啦 http://www.immd.gov.hk/hkt/forms/marriage.html 呢啲一定要係公司咁安靜嘅環境填先唔會填錯嘛。上到去係詢問處擺個籌等叫名，大概睇十頁書就到（係，本宮乃係文青），都算好快。然後交係身份證同passport copy, 最重要俾140元。根住又等叫名，今次睇左五頁就到。登登登登，就俾呢張野你，但又要俾多680元………… 有冇人可以解釋下，點解結婚證書只係三舊幾，我申請未婚證明要八舊幾。究竟條數點計出來？？ 2. 三個月旅遊簽證 *居留用 "> 台北經濟文化辦事處 ( 香港金鐘道89號力寶中心第1座11樓1106室) 一入去，冇野呀，人山人海冇冷氣安排混亂omg，個派籌機都差啲俾人煙末左…… 下，派晒？本宮又衰瞓晏左，三點幾先去到……咁冇計。都要排詢問處搞封推薦信，佢會俾張form你，連身份證copy俾反佢，佢地會免費俾封信你攞去警署。就係呢張 職員叫我揾日再來，派籌係8點3開始……500個籌派晒就唔緊要dum地都冇用，你再來囉。 3.警方驗證 > 香港灣仔軍器廠街一號警察總部警政大樓十四樓 跟住行過去警察總部攞警方驗證，記得係軍器廠街果邊入，唔洗兜過圈，除非你有員工證啦，你贏囉咁。上到去就擺飛仔，然後自已攞form填，不得不讚，香港人真係安排妥當好好多，差唔多寫完就到我。交低210元（最好帶八達通即刻俾，你俾cash咁威？咁上另一層俾完再來過丫唔該）。跟住要晒十隻手指膜（我冇做過錯事掛，係上次坐地鐵唔想讓阿婆炸，人地m到都好累呀）。之後佢會直接俾料台灣，我地冇野要做。一個月後台北經濟文化辦事處會打俾你話你知得唔得。唔得咁點？唔好問我，問下你自已做過啲乜啦。 等我去搞埋三個月旅遊簽證再update你，本宮去學騎馬先，byebye~
