好多人話去台中都冇咩好玩，上個月尾又要飛台中GE我去左條唔錯的路線，一個人一班人都岩去，因為唔需要自駕遊！ 話就話係台中，確實地點係南投。由台中火車站可以坐火車去到二水轉集集線。集集線班次唔算好密，建議大家上網check清楚時間方面安排行程。（利申我係由斗南站出發的） http://163.29.3.98/TW_JIJI/HtmlPage.html 一般人會先去集集站觀光，再去尾站車埕站。由於我太遲出門口，所以我一坐就坐到去尾站車埕站，應該係成條集集線比較多野睇GE一個景點。 依家天氣岩岩好秋高氣爽，有人稱呢個車站係台灣最美麗車站之一，有偽日本風（笑） 有空置鐵路同火車比遊人影相，我今次係一個人去，好難影呀。 打卡位係呢個儲木池，再凍d應該會有紅葉（再網上睇到咁寫），呢到有野食有野賣，唔洗擔心郊外唔方便。其實呢到都幾大足夠行大半日，不過我冇映好多相（haha）。 行完之後見到下一班火車有排先到，加上天氣好好，所以步行去前一個站！睇睇google map都係30－40分鐘路程，就會到水里車站。 起步頭十分鐘路程係同車一齊行，所以要小心，之後就會上行人路，同時係單車路。 風景唔錯，一開始一個人行有d驚，但之後都會有路人，有時會有機車行（雖然明明係單車路） 隨便影一下路線，我只係行左兩個紅色站中間一小段路，作為旅行黎講，係外地行一小段山都唔錯，又唔會太攰。 到達水里！到左水里中要行一段路先到車站。 係車站附近補給完就時間岩岩好有車到。 ——————————————— IG看近況：7kahei
