過去一星期又跑去台灣了！因為某男終於有私家車，我即刻上IG搵晒我想去GE地方，黎個打卡之旅。其中一天去左我想去好耐的彰化！唔知大家熟唔熟彰化呢？火車同高鐵都可以到達。自駕的話，由台中機場出發到市中心大概只係30分鐘。 先黎介紹一個需要開車先去到ge 農村仙人掌園！只有假日開放。門票係台幣50蚊，可以用門票換相等價值的仙人掌。（唔帶得番香港就寄存係某男家）地址：台灣彰化縣田尾鄉民生路一段347巷17號 近排係大陸個仙人掌園咁多人去打卡，台灣都唔弱嫁。其實本身我係想去一個唔洗比錢入場的生源仙人掌園，但係IG睇完相都係覺得呢個靚D。場地唔係好大不過幾多人去，加上我地中午最熱個時去，所以只係留左20分鐘，揀埋個仙人掌盆栽就閃人。 附近有得租單車，有好多其他植物園（但有部分寫明唔可以影相）我地都隨意行左幾個溫室，對花花草草有興趣不防去參觀埋其他植物園。 IG長期SAVE左世界各地美食照的我，丸本家晴天冰已經係名單存左好耐啦。門口其實都幾日系，但當時太熱我冇影到，狗衝入去食富士山冰！（其實其他冰都好靚）本身覺得藍色冰會係藥水味唔會好好食，點知原來係波子氣水味！加埋白色個D YOGURT係勁夾。建議兩個人食一份，我地兩個人都食唔晒。地址：台灣彰化縣員林市大勇街7號 最後介紹GE係火車站附近的一條文青小巷。當中一間比較有名係愛治文具房。地址：台灣彰化縣彰化市長安街76巷7-2號 門外很好拍，當天係星期日都有幾多人黎。剛好有期間限定的CAFE，但係我就冇入去啦。係門口影張相算。 店內幾乎全部客人都係女仔，有日本文具，又有好多台灣設計的手作東西。估下我有冇買野？ 同一條巷中有幾間文青風小店，由於呢邊係火車站行去都係大概5分鐘，唔係自駕都應該可以去到。 ——————————————— IG還有台南的照片：7kahei
