剛去完曼谷，去左好幾間CAFE，有好又有伏，不過大部分都係打卡度高！ Sretsis Parlour 地址： Central Embassy, Level 2 Lumphini, Pathum Wan, Bangkok 先由最伏開始，最近習慣係IG用hashtag搵食，呢間係被IG的美照騙去。唔知係咪因為冇預約，好似有d台唔比坐同唔比映，而且呢間野都幾貴但服務態度就唔係幾好啦。 光線都唔係太好，用電話影一定唔夠光。食物同飲品所有野都好靚，但係幾乎都冇一樣覺得好好食，我點左GE茶似乎已經係最正常。所以呢間野似乎真係for影相打卡ONLY。伏味濃。 Pompano Roasted Cafe 地址： Kamphaeng Phet Rd, Khwaeng Chatuchak, Khet Chatuchak, Krung Thep Maha Nakhon 呢間係一個market入面，market位置唔算就腳而且比較細，我地太早去就未開晒。不過就好多打卡影相位，早去有日光影相都有好處。 我只係點左野飲，正正常常，咁熱都係志在消下暑。CAFE由外到內都好多影相位。門口位有大量植物。 因為有好多植物昆蟲就比較多，而且入面d野都係古著風，有人會中意舊野，但又有人覺得舊野會有d烏糟，所以呢個賣點係好定唔好就見人見致。 After You Dessert Cafe 最後一間就係有好多分店的After You！我一早點名要去，原來周圍都有分店，隨便就行入一間。由於我去個間係比較細間，所以冇咩影店內環境。走日系風當然一定成為我的菜。 招牌冰我地點係綠茶味，話佢係冰其實似雪糕，我本人暫時冇係第二度食呢個口感。我同朋友們都認為呢個冰係成程最好食甜品。 之前睇相以為好大，其實兩個人食岩岩好，我地4個人再點左另一個甜品。唔係招牌菜都一樣好好食的。雖然我地去呢間分店冇咩影相位，但我都係評為CP值最高。 同場加影一個係某商場食的冰（唔記得個名）但都唔夠After You好食！ ——————————————— IG看近況：7kahei
