很久很久沒有更新… 因為一個字。懶！ 這一年內日本以外就是去台灣，可是這一篇還是會寫日本的，呵。台灣的日後再會分享！ 5月的時候去了沖繩的石垣島48小時之旅！我就去左一次3天2夜之旅！由於係早機去早機番，第3日一早就回程！所以大概只係留左48小時！利申：如果你希望shopping的話，呢一篇可以唔睇啦。 小補貼：由香港去石垣島機程不用2小時，同去台灣差不多；方便過由日本出發XD 大家會問唔識開車會唔會好唔方便呢？咁你就最好住係巴士總站同碼頭附近方便活動，而我就係巴士總站報左local tour ！（旺季最好上網book定先） local tour分上午／下午時段，上午行程會多d，包左lunch。我落機時候岩岩就可以參加到下午tour，都包左小茶點時間。導遊只係講日文，唔識日文的朋友就可以車上訓下覺 （笑）簡單英文溝通冇問題都唔洗太擔心。 我上車個時係落狗屎，但好好彩去到我最想睇的川平灣就停左雨啦，呢一部份可以另外比錢上玻璃船睇魚。或者你自己周圍行，我揀左前者。 雖然我映得唔好，但真係好靚，中有海龜。都差唔多遊左30分鐘船河。 剛好同一班初中生坐埋同一條船，呢個區域係受到保護，D水好清好清十個清。如果帶住小朋友唔方便去潛水參加呢個活動唔錯。 海上的景色也是美美的！如果唔想落水好岩參加呢個活動。如果會多留幾日，大家就應該要參加多d水上活動。大部分活動都可以係網上預約！個人推這個中文網站：https://www.veltra.com/tw/ 第二日就要去附近竹富島。係碼頭到其實有好多local tour可以報名，如果唔想用腦就去報懶人團。船程15分鐘。班次都幾多，check清楚尾班船幾點就夠。 我一早有目標要去踩單車！島上有幾間租單車公司，偏偏我揀左間單車係最舊… 竹富島主要有兩個活動踩單車之外就係坐牛車，但我唔想睇到d牛行行下大便，決定去踩單車環島一周，因為個島好細，所以2小時都應該踩得完。 我完全冇運動細胞都覺得d路好好踩，大家唔洗怕會辛苦，完全係輕鬆之旅。 好多人會去搵星星沙，但我個人中意竹富島另一打卡位。西棧橋。 本想晚上我參加左觀星活動，但由於天氣唔係幾好就取消左…好傷心。唯有下次再黎啦。不過要讚佢地一早叫酒店通知我，退款第二日就安排好。 順帶一提，我係小有唔食菠蘿的人類，但我係呢到克服左XD!!!! 另一美食係石垣牛，唔係特別平，可以豪食番一餐，因為真係好好食！ ---------------------------------------------- IG看近況：7kahei
