前言：由於九州之前受到地震同台風影響，所以去部分地區交通會繞道，同埋部分景點暫停開放。（特別是熊本和大分路線） 要去軍艦島之前要予約，好幾個網都有得予約。 我係呢個：http://www.gunkanjima-tour.jp/ 每間公司通常都係分早上一節；下午一節。如果要由福岡出發去，建議揀下晝。上晝應該會趕唔切。（需要提前一個月予約）根據前人經驗，就算比你成功book到都唔等如可以上到軍艦島。太大風太大浪都唔可以上去，同睇富士山一樣，睇你有冇運氣啦！ 呢日好好天又唔算大風，我book左間比較細的船公司，不過成個trip都安排得好好。所有野都係去到先比錢。每間船公司收費大概都係3500-4000yen左右。 話冇風但其實都幾大浪，會暈船浪ge人要做好準備。（文未有片） 船程大概30-45分鐘，因為中間會停低比你影下相。上岸後唔可以自由活動要跟大隊，有專人講解，不過我冇研究過有冇中英文團。如果你有睇過韓國拍ge軍艦島其實外型同設施上都基本上重現左以前個樣（但歷史真相我就唔知啦） 佢地都好歡迎大家影相，因為軍艦島每次受到巨浪或者打完風都會有損傷，每個時期個樣都會唔同。所以希望大家能夠幫手好好紀錄。 最後會影團體大合照。上網有得download番，中會派證書同埋一粒煤炭紀念。 (好大風，吹到我）回程又會載大家由外圍影相，個人覺得大浪個時真係會有跌左落海GE危機。成個trip大概係3小時左右。係一個好值得參觀ge地方。
