好少講自己住咩hostel, 今次住呢間都算熱門可以同大家分享下。 Book and Bed 係東京已經開左好耐,京都有分店,依家福岡都有啦。事前問左住過東京分店ge朋友表示個床位好細。不過福岡呢間係今年新開,上網睇過size好似都OK, 一住就4晚啦。 地理位置超好。係天神站的福岡パルコ百貨公司六樓。好方便呀!門口就有cafe有餐廳,買完野又可以即刻拎番上去。有晚我著住睡衣去cafe買雪糕真係好失禮嫁呢。百貨公司雖然會關門,但係升降機係24小時都開放使用嫁。 新開關係D野都好新感覺上係好乾淨⋯實際上我就唔知。冇分男女區, 不過24小時都有staff都唔係好怕。中有小量雙人床位,訓樓上其實好煩,因為都幾高下⋯ 放行李方面,大型行李應該放唔晒係書櫃底ge儲物間。我只有小型行李,所以不受影響。床位內有個好細好細ge locker比你放貴重物。細到只可以放電話同錢。 講番個床位其實都算闊,中有空間比我放背包同掛衫之類。不過,真係好黑!佢個燈開左同冇開係一樣,要用埋佢個電筒先好小小。第二樣係好焗,(我本身怕熱)雖然佢冇開暖氣,11月又唔算熱,但如果拉埋塊布係入面訓會焗死寶寶。 好彩佢都知道呢個問題,所以可以借個無印小風扇入去用。但通風問題係扣左好多分。 當然啦,本身住係hostel就要習慣會比人嘈醒同埋要習慣同大家分享公共地方,大家互相體諒。我住呢幾晚唔係weekend都full full地,但基本上都唔會好嘈。真係有書店氣氛。 最唔方便就係一拉開塊布會有個男人攤係到睇書XD 書籍方面有英文書,有雜誌有旅遊書,照顧左外國人。而我呢⋯我睇左3本漫畫⋯ 題外話即使你冇打算入住都可以係下晝時段比錢入去飲野打書釘。想參觀下又住唔慣hostel就可以考慮啦。 官網(但我係booking.com訂) http://bookandbedtokyo.com/en/fukuoka/