鳥取沙丘出名之外，就係有好多好多鬼太郎的米子。但由於我同個fd子都唔係鬼太郎的粉絲，就冇去到米子。而我一開始就睇中左白兔神社呢個地方，因為…佢係戀愛的神社！（亦都係求人緣啦） 由烏取站坐巴士去要40分鐘。班次唔多要check清楚。連個郵箱都係粉紅色。其實係鳥取好多地方都會見到兔仔的裝飾，証明係當地人心目中白兔神社係幾出名。 神社周圍都係兔仔，其實係休息站到中有隻真。但因為佢周圍都係屎，所以我冇映相。 其實又唔係話好特別，神社又唔係好大，真係為左去求人緣（笑）。咁遠水路黎到要保祐我呀！中有佢d護身符都好靚下，唔信都值得收藏。 神社對面就係白兔海岸。好靚但好大風，留左一陣就走人。情侶去會好浪漫，兩條中女去就吹到頭痛啦。真係頭痛到要食藥。 由於坐巴士都唔平，所以下一站係隔離的賀露港，我地決定叫的士。識唔識日文都好，搵間手信店入去叫佢幫你打電話就得，不過記得要有禮貌。 賀露港雖然食野個到唔算好大，但都幾多野食，而且好平。重點係，有得試食！ 呢間唔知係類似韓國魚糕定係日本獅子狗的店，有好多味，真係試食都飽。因為我見到d日本阿叔都係咁食。 之後中有好多魚生即買即食。叫左份赤蝦，有成50隻（上圖只係一角），隻隻中指咁大都係1000yen…好食到崩潰。其實之後中食左杯手打雪糕，成肚都係生冷野。 周邊行下行下中見到好多外星人（9up）由於食唔到巨型魷魚，所以回程番大阪買左個正常size的便當。勁好食…d飯係墨汁，因為太好食我都唔記得映相。 飲飽食醉完成鳥取之旅…鳥取雖然有小小鄉下，但呢兩日遇到好多好nice的大叔大嬸同我地傾計都唔錯呀。 つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
