聽聞香港可以直飛去到鳥取的米子機場，襯中未有好多人去之前我都去下先。大阪去鳥取冇新幹線，可以坐巴士或者特急。我選擇左後者。特急都要坐3個鐘而且架車係要行出路，係勁chok。 8點未夠出門口，成12點先去到鳥取，食完野就坐巴士去傳說鳥取沙丘。留意番鳥取冇咩鐵路咁濟，如果唔係自駕遊就要坐巴士。而且周末先有比觀光客的用的遁環巴士。要唔係外國人可以包車坐的士，要事前予約。 坐20分鐘巴士就到達。好x大個沙丘真係好有沙漠的感覺（雖然未去過沙漠）。中有駱駝騎，但完全冇人比錢騎。d沙好幼其實入左落鞋都冇咩所謂唔會覺得痛，出到去又有得洗腳。所以可以其實可以唔著鞋或者著拖鞋行。但其實上破好難行，有腳斷的感覺。 上到最高會見到天空同海連成一線。當日去天氣好好，好大風。本身好驚吹到成口沙，其實又冇咁ge事。 行5分鐘左右就係美術館，每隔一段時間都會有唔同主題的沙雕。如果夾岩時間中可以參加工作坊。 今期主題係南美。我去係平日所以冇咩人。樓上中有地方可以坐下休息下。 之後就等巴士番市中心，預備去酒店check in。係日本坐巴士同坐JR一樣要睇清楚時間。順帶一提呢到真係好鄉下，用唔到交通卡，次次坐車都要比散子呢。 名物之一係雞蛋，好想食但次次行過都冇買最後就冇食到了。話說市區都係冇咩人流，有間好舊甩晒色的大丸，商店街又好疏落…由於鳥取都算係漁港。所以晚餐去左食魚生飯。 超好食！但點都冇諗過第2日會食得更high… つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
