剛剛老豆自己一個黎左大阪一星期,大部分去的地方都係我已經去過十萬八千次。唯獨係佢要求去ge日本最大的琵琶湖係我未去過。而我又冇咩做過research,本來只係諗住去到就上一架觀光船遊湖就算。 方便我的關係老豆住天王寺酒店,直接去京都坐比較貴的はるか只係50分鐘,有父蔭就係任性。(唔想老人家轉幾十次車姐)去到京到再轉普通JR,坐十分鐘去大津就到。個到就可以望到一部分琵琶湖。 其實本身冇諗過要自駕遊,雖然我老豆係職業司機應該都冇問題。佢係黎到先話我知拎左國際牌,我都冇打算租車。去到見到天陰陰先決定租車。先係車站打去問下有冇車,係附近就有一間有車比我地。之後去搞都遇到小小問題,就係因為個間租車公司未見過香港個國際牌,加上上面冇日文,佢地唔知用唔用得。好彩佢地打比總部問下,就知道用得啦。就租左上面架車啦。聽講比較細的租車公司經常會無視香港個國際牌,我地算好彩。 由於臨時先租,架車個gps又廢廢地。其實又唔可以話廢,係佢指左一條我地唔想行ge路(笑)。係日本每條路有個號碼,跟住佢搵路就最方便,所以我唯有一路睇google map 一路提我老豆。 是日目標係可以環湖一周…走左唔夠4分1就去左醫肚,好平的食堂。一個炒飯都係300 yen。 食堂再過小小就係有名ge「近江之嚴島」白髭神社,事前完唔知原來係呢到黎。去到睇地圖先知咁近,廣島個嚴島就未去到,睇住呢個先。呢個算係冇計畫的驚喜。去到中午都係行左4分1,環湖一周最後會變成點… つづく ---------------------- 更緊密的無聊事請看面書: https://www.facebook.com/ami7.sevenkahei/