一年一度研修旅行係月頭舉行,有一D學校係已經包左係學費。但我地學校就冇包,不過就以一個優惠價錢一萬日圓去二日一夜連同溫泉酒店之旅。學生係自由參與。 基本上上車就係訓,目的地係淡路島,大概2個小時多車程。有一半時間同美國人嘈交,因為佢地真係好嘈,導遊講野又係到嘈,勁唔尊重,又以為我地唔識聽英文係到串串貢… 呢枝野中文名係咩?我都唔知。第一站係去學整「呢枝野」。唔整都唔知係咁有學問,佢係超市都係賣幾十蚊。變成由日本人做就將佢變成一件好專業的事。 由於全程廢人之旅,導遊叫落車就落車,有時我冇理過自己係邊,係淡路島囉應該係… 有花有草就要影相。老實講都唔係幾習慣跟團,未睇夠就急急腳走。 成個行程最吸引我係去睇鳴門漩渦,聽日本人講去到都未必睇到好講運氣…而我地都好好運。 而我其實不知道,咁樣坐係架船睇個漩渦係唔係一件好危險的事… 入住溫泉旅館其實最期待都係食飯,事關我本人對溫泉興趣不大。旅館環境好靚而我係冇影相=_= 由於第二日行程係我去過的姬路城所以我唔再講落去… 總結係如果唔係咁平都咁岩懶人去,我下次都係覺得自己去會開心D。不過難得同成班同學去又幾開心,製造下「假」青春回憶。 つづく ---------------------- 更緊密的無聊事請看面書: https://www.facebook.com/ami7.sevenkahei/