黎日本整在留卡個時會整埋國民健保,其實冇話一定要申請,但身為一個外國人如果唔整國民健保萬一要去睇醫生都貴到幾離譜。由於我係學生簽證,每半年交大概2萬yen作為保險費就可以。(不同地區和簽證收費會不同) 話說我係香港已經有好多次洗耳經驗,(利申:本人耳朵係需要定時清潔,自己清唔到,特別構造です)黎日本之前冇洗過,結果就左耳就開始比耳屎塞住啦。慢慢就聽唔到野啦,我中去單耳考聽力。點解會想考左試先睇醫生。因為之前係香港的經驗都係一係洗到好痛,一係就洗唔晒,結果要用藥水搞到更加唔舒服。 其實同學之中有幾個都係日本洗過耳。佢地本身都介紹左一間比我。不過我唔肯定自己有冇發炎會唔會更加嚴重所以就搵左學校幫我預約,帶埋翻譯一齊去睇。佢地聲稱幫我序約左全區最出名專科。 好啦好啦去到個間全區最出名專科診所,又細又舊我真係有d擔心。入到去成張台都有手術用具…嚇死寶寶。醫生係個大叔,護士都係歐巴桑。我係咁問佢地會唔會好痛,佢地就係咁話大丈夫です。好啦洗耳過程太嘔心就唔講咁多。我諗同行翻譯見到我以後都會想叫我 [耳屎姐] 。 最後,係零痛楚的情況下,醫生大叔幫我洗晒兩邊耳,果然人不可以貌相。佢提我因為我自己好難清潔到,所以每3個月到半年就去搵佢清潔一次。 ps。我知道有部分黎日本留學或者工作假期的人都未必會日本申請國民健保。但都提醒大家,如果自問本身健康唔係幾好都最好申請定,雖然要比錢供,但當你有需要睇醫生個時就覺得係值得嫁啦T-T!! つづく ---------------------- 更緊密的無聊事請看面書: https://www.facebook.com/ami7.sevenkahei/