好耐冇見…上兩個月人生真係有點摺唔係番學番工就係訓覺,書都冇咩點讀。睇下個日曆係日本的時間就快過一半,所以都係珍惜光陰比較好。呵呵呵… 話說某人生日,正想預備做蛋糕。屋企咩野都冇,本來呢想去同學屋企整但都係唔想打搞到人,靈機一動!之前working holiday的前輩提過日本的ABC COOKING STUDIO體驗堂係好抵。所以就上網予約。這裡:https://www.abc-cooking.co.jp/board/start_1day.html 心水清都知道香港都有呢間野。我都有上過堂,正式課程都真心貴。而香港的體驗堂二百幾三百蚊?(唔係好記得)而日本只係需要500 yen…平過我出面買個蛋糕所以就決定去啦。(註:相繼續係hea影) 比較下同香港有咩唔同。之前係香港係上完堂佢先開始sell你正式課程,呢到呢係一黎就sell左你先。之後又問你一大輪野,點解想學下barbarbar…好鬼認真。呢個時候都係唯有耍走佢:我都係考慮下先。 香港係免費提供圍裙(依家唔知係唔係),係日本如果你冇帶就要比100yen買。另外要自己帶手巾仔同換拖鞋先可以入去整野食。就係比較環保同清潔的感覺。上堂用日文,老師知道我係外國人會講慢小小。又會不停咁讚你…唔好信佢地,佢地係9up。 因為之前都做過roll cake所以大概都知點做,唔驚聽唔明。日本同香港最大分別係。係香港唔洗自己洗用具,呢到呢你用過d咩就要自己洗番好,所有人都係要自己洗自己ge。等緊焗餅ge同時就會叫你去洗碗。 完成後,可以將做多左的即場試食一下。佢又走黎再問你要唔要考慮比錢上正式堂,身為外國人就開始扮聽唔明再耍走佢…之後就急急腳走…「邊個話試完一定要買」呢個時候緊係變番港女先啦。 完成品!因為佢地用ge材料都好好,所以味道都無庸置疑嫁啦。如果識小小日文的話下次黎日本可以試下,因為真係好平。 つづく ---------------------- 更緊密的無聊事請看面書: https://www.facebook.com/ami7.sevenkahei/