不知不覺係有半個月冇更新過呢到…因為每日都生活得好平常又冇咩活動冇咩好講。等到頸都長終於都到去MET ROCK的一日了。抽飛好似已經係3個月之前ge事…耐到唔記得。平時買飛我係睇呢個網：http://t.pia.jp/ 好似要有日本地址先可以登記，比錢都係訂完去便利店比。要抽選的話就係等出左綠果先比錢。 同朋友都係第一次係日本睇show，事前又冇咩check過地點。去到原來中要坐免費接駁巴士去好入的工廠區附近的一個海邊廣場。等車都已經見到好多人，不過d車好密，5分鐘就有一架。日本呀ma，成件事好有秩序。不過等車個時有d擔心，見到個個都有備而來，著晒山系衫又長褲毛又毛巾又野餐布又剩。我得支茶囉唔該… 冇錯由於毛巾似乎係必備物品所以我地都唔執輸買番條。其實好多周邊商品都好靚，日本人真係好識做生意…好多人都會買tee之後就即刻著，又有d fans已經著好晒唔同樂隊的自家tee。日本人好似好怕晒，為左唔比晒到佢地好多著長衫長褲同瘋狂塗防晒。 當然唔少得又係食野時間，有位坐又有額遮頭都唔洗太擔心。野食又唔算好貴、不過我好似都食左好多下…野飲就比出面貴一倍但咁熱唔通唔飲水咩？！ 今次睇一共有三個台，一開始大家都會跑黎跑去睇，但之後個個都攰就坐晒係地，所以要帶野餐布同埋山系打扮就方便你周圍坐，又或者只係因為型d囉。表演開始都唔比影相影video，當然其實根本冇咩人會咁做，如果係香港就…大家應援都好齊我覺得唔拍比大家睇係有d可惜，不過自己感受過就夠。rock！ 提外話，成個場周圍都有人著呢條褲，咩色都有，有冇人話比大鄉里我知點解？難道最近好hit？btw，其實咁多band我比較熟只有一兩隊，包括ゲスの極み乙女。不過今日睇完又覺得好多都好聽，大開眼界的鄉下人。 由於老人家我又跳又晒又汗左一日，加上同行朋友第二日要早起，我地提早左趕起日落前就離開。好好睇呀，下次會再睇…下次係咪summer sonic呀？！ つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
