我認為每煮一餐飯都見證我的成長...講下笑姐XD 話咁快就黎左半年（七個月都黎緊）咁等我總結下呢6個月先，當中都係有吐糟成份。 。打工日常 打工已經成為生活一部份，工作亦慢慢熟練，係得日文唔熟練…其實呢件事有小小超出預計。本來我係計劃黎日本半年後先開始搵part time，結果係上個sem完結前就誤打誤撞打緊依家呢份工。話說本來我係上網搵緊打工換宿，冇意中見到呢個post先send去試下，由send emai 見工到番工都係一個星期完成的事。不過其實無論係邊我都唔係好想番工… 如果番學加上打工的日子，時間分配係咁：通常七點半前起身番學，下晝三點放學，四點開始打工，唔洗OT就晚上十點前番到屋企，之後沖涼食小小野溫一陣書一點前訓覺。我係到係勤力過係香港…應該係掛。 。爛日文這回事 先利申我黎日本前得初級水平，比50音識多小小。我都希望各位親戚朋友唔好覺得我黎一年半載會變到幾流利，唔排除有天才可以做到，但我唔係啦。亦都想話比各位熱愛用考試作標準的人類聽，的而且確N1 N2操流利日文應該係好平常。但以我呢6個月所認識的人，有人連50音都未識寫但操流利日文，亦有人係N2 但一句都唔識講。 但係呢d都唔係我ge籍口，進步得慢都有好好努力，雖然英文由3歲開始學都唔見得依家好好 =_= 。好好照顧自己 好多人覺得實際地執行到日常生活，識做家務識煮飯餵飽自己就夠。照顧自己其實中包含埋心理部分，幾中意日本都好都有掛住屋企ge時候，都會有一個人好撚悶的時候（雖然我好毒）有時都會發下自己皮氣，所以要好好take care自己包括身心都要。幸好黎到呢到都識到可以傾訴的對象，香港仍然有幾個老死聽我吐糟。 平時有咩唔開心咪去食個cake獎勵下自己，好彩我個人易滿足。 つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
