經過5日4夜又車又船，一年一度自己一個好毒去旅行已經完成！ 行程：岡山＞倉敷＞直島＞犬島＞豊島 －－－－－－－－DAY 5－－－－－－－－－ 隔離房班韓國人突然秒速訓左，因為我聽到鼻寒聲。我都打算休息，唔夠15分鐘個韓國妹又起身嘈嘈嘈。可能話間房有蚊定點麻X煩。anyway我都訓得著。 （たかまつ屋：http://www.takamatsu-ya.jp/） 呢間屋係1927年的古老大屋，住呢到其實真係好有居民feel，雖然我成日搵唔到大叔… 最後一日繼續好早醒左食完早餐想搵大叔check out同放行李又唔見左佢。都唔知係咪突登，所以又死去碼頭比錢放。如果想係藝術祭期間住係島上，記得早D予約比較好，而且有部分住宿地方會有定休日。 因為有d早，所以冇咩人坐巴士，全程好似包車遊豊島，司機好人到都唔洗我行，直接車到我去個景點而唔係個車站。藝術祭期間黎雖然人比較多，但島上會増設多左臨時路線，所以就會方便左好多啦。臨走冇野做去左郵局寄信番屋企。習慣定時定候都寄信番去，我係古代人。 之後搵到間靚靚cafe, 今次冇中伏，食完中坐低睇雜誌，又坐左個幾鐘。中有，點解d菜咁好食，係我暫時係日本覺得最好食ge菜。而我真係好hea得，比慢活更漫… 之後突然原力覺醒記起有船可以出番去啦，係冇計劃嫁我。咁就番左去宇野港，港口都中有野睇，而且風景都幾靚。 留意番宇野番岡山的JR係唔密，miss一架要等一個鐘。車站都用心設計，係藝術祭一部分。 番到岡山就去買お土産，要買比朋友鄰居公司⋯但由於我拎唔到咁多野全部都細細份就算，樣樣我都試過好食先買嫁。岡山出名食桃，但夏天先有真桃，今次就冇機會食啦。最後坐又坐差唔多4個鐘車，晚上10點回到大阪。旅行完番到自己屋企真係好… つづく －－－－－－－－－－－－－－－－－－－－－－ 之後會係facebook補番小小關於藝術祭PASS的資料： https://www.facebook.com/ami7.sevenkahei/
