經過5日4夜又車又船，一年一度自己一個好毒去旅行已經完成！ 行程：岡山＞倉敷＞直島＞犬島＞豊島 －－－－－－－－DAY 4－－－－－－－－－ 犬島出發！船班次好小要準時上船同埋要早d去買定飛。出面又未有早餐食好彩我買定左包，係碼頭食住等。上船中要坐成個鐘先到，呢張船飛中要好很貴不過係值。順帶一提我阿媽問我犬島係咪好多狗，sorry一隻都見唔到。 大家都知美術館係唔影得相，即使我好唔誠實偷偷影左都唔會放上網啦下。事前都冇諗過呢個犬島精鍊所美術館係咁正。我呢d死港女詞窮唔識形容但試下。其中一部分，一入到去佢有塊鏡反射到個出口，但行黎行去都係鏡的反射黎唔係真正ge出口。我只係識用すごい黎表達⋯（都係唔識形容sorry) 犬島好細，半日都行得晒。食埋飯等上船去我的落腳點豊島。今次真係住民宿，係一間古老大屋黎，入到去大叫左好多次すみません都冇人理我，死死地氣去碼頭比錢寄放左行李。之後坐巴士去豊島美術館。 去左3個島，豊島景色最靚。而直島比較多遊客有小小商業味（個人覺得）。點解日本人可以起舊咁ge野係個島到嫁？好西利！點解入到去心境會自然平靜？好西利！二萬個驚嘆我明我d港女平時黎到呢到就一定掛住影相唔比影都要影個隻，但係當你見到大自然同藝術二合為一就會用心欣賞（我講野係好誇） （呢條路係必影相位黎嫁） 喂呢間美術館間cafe好食，唔知係咪心情好特別好食。食完落山終於搵到大叔同我check in。開心係自己訓一間大房，傷心係好嘈的韓國人係隔離房中要食野食到好大聲。 （我住的大屋） 是晚太餓是但入左間好烏糟好民居的餐廳，好平但唔係幾好食，食左一半就唔想再坐係到急急腳走⋯希望在明天。 つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
