經過5日4夜又車又船，一年一度自己一個好毒去旅行已經完成！ 行程：岡山＞倉敷＞直島＞犬島＞豊島 －－－－－－－－DAY 3－－－－－－－－－ 神咁早就醒左因為間房開太大暖氣而我又好早訓，6點就醒左。我要由岡山坐JR去茶屋町再轉坐去宇野港。班次都唔算好密所以預早好過遲。之前都講過「瀬戸内国際芸術祭2016」要開始啦，展期分為春夏秋三節：http://setouchi-artfest.jp/ 結果可以坐早一班船去直島。去之前係港口換好左我一早買好的藝術節pass, 我話你知真係好抵，4000 yen就可以入晒所有景點！而且3個展期都可以用（留意係有部分藝術館都係收番半價）好彩hostel主人又好好未夠鐘都比我放行李。 我租左部普通單車，其實我見d人用電動個隻踩上山都好辛苦我又點會咁傻踩上山。而且巴士先100 yen.... 結果早上去左睇南瓜同南瓜，本身想去好出名的地中美術館，但由於要限制每次入內人數，所以要拎籌。我拎左要下晝3點先入得去。所以番落山啦。直島算係最方便去的一個小島，所以比較多人去… 唔知係咪訓得唔好我個頭痛到爆炸，呢個時候單車就出場，先踩去搵島上唯一一間七仔，係冇藥賣。之後踩番去hostel問大叔，佢畫左個地圖叫我去買。踩到去見到係間醫院真係講左一隻字粗口。原來，後面就係藥房！我愛大叔！食左藥食埋下午茶就可以番去參觀美術館。（記住人地叫你入去唔好映相就真係唔好映呢到唔係香港呀下。） 做左咁多野先4點，時間岩岩好去check in 。同房係兩個台灣女仔，佢地黎左11日，想參觀晒所有島，經佢地推薦下我都決定要去埋犬島。晚餐係炸魚定食…就係家的味道，因為好小食魚所以我係覺得好食的！ つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
