經過5日4夜又車又船，一年一度自己一個好毒去旅行已經完成！ 行程：岡山＞倉敷＞直島＞犬島＞豊島 －－－－－－－－DAY 2－－－－－－－－－ 我次次都習慣好早番hostel因為唔想排隊沖涼，買左小小野食沖完涼就落去食。我的菜日本仔叫我坐埋去一齊食，傾傾下先知作結左婚，ok! 已經唔是我的菜了再見。呢間hostel好多日本人住，我都盡量發揮我的爛日文，難得可以練習下。 好啦第二日去左倉敷，我係慢吞吞係車站食完早餐先出門。雖然由岡山去只係幾個站但車程比我想像中長。岩岩呢日美術館休息我就冇得睇啦，不過美觀地區真心靚同多野行，雖然遊客比較多。 格仔屋係特色，行行中比個唔知邊道走出黎的日本阿叔走出黎同我講歷史，翻譯出黎係「以前呢到唔係咁ge呢，d路冇咁闊ge呢，依家邊左個旅遊區先重新整過黎ge呢…」 開頭快步行左一圈，襯住人唔係好多就拿拿林影相。我好中意自拍，每一張都係我自己映自拍，幾毒。朋友介紹要食桃味雪糕，岩岩先叫冇咳就咩都唔理食左先。堅好食，係一定要食。真桃味唔係假野。（廢話） 如果好中意文具呀紙膠帶呀係一定要去如竹堂，由於我之後3日要上山下海所以我就睇下算… 去完廁所正諗緊去邊好，見到有個男人同一個女人影相影到勁搞笑。再望一望個男人，係無限挑戰的鄭俊河！雖然我唔係集集都追晒但佢真係好好笑。最後問佢可唔可以影相佢都勁好人同我影左幾張，緊張到唔記得嗌oppa...但我有講我係香港人XD 又因為我真係好中意好早番hostel hea, 下晝番到去就同日本妹傾計，佢好可愛剪左秋小愛個頭。而且我冇plan過去瀨戶內海的行程，順便番去check時間啦。我去旅行係休息多過行路⋯ hostel其中一角落…我就係坐係到同大家瘋狂吹水… つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
