經過5日4夜又車又船，一年一度自己一個好毒去旅行已經完成！ 行程：岡山＞倉敷＞直島＞犬島＞豊島 －－－－－－－－DAY 1－－－－－－－－－ 本身病病地自然醒係六點，前一晚中番緊工拿拿林check清楚有冇執漏野就出發去難波的巴士總站。我係未去過所以早小小去打探下。其實係JR難波站上面一出就係，買埋早餐乖乖等巴士。 事前講左我冇錢坐新幹線，要以一半價錢坐近4個鐘去岡山。如果坐新幹線一個鐘就到啦。不過我一上車就訓，訓醒已經去到中途休息站，即刻落車去廁所買野食。長途車最大樂趣就係去休息站掃街。係車度食下野上下網就到左岡山。 先去放低行李，間hostel係我的菜個日本仔都係我的菜，我紅都臉晒。Hostel門口已經型到爆，入面中有個file有晒相，講佢地張本來的爛屋改建做依家的hostel。相關網址： http://toriikuguru.com/ 放低行李去岡山兩大著名景點，岡山城同岡山後樂園。其實都係旅遊景點冇咩特別。不過勝在冇大陸人，外國觀光客都真心少，所以可以慢慢影相。而我，一條友旅行必須有的技能應該係自拍… （我係咪好造作） 不過我最想介紹係岡山奉還町商店街。好意想不到入面有古著店啦，古書店啦；好靚係香港會排晒隊的cafe, 又有好多特色老店。基本上我係到都hea左幾個鐘。 呢條街其係都係岡山站附近，亦都係要去我住個間hostel必經的路。 點擊圖片放大 如果好中意舊野，或者好似我咁中意呢d old school招牌係會興奮…我內心係不停讚美呢d字體（怪人？） 有舊店又有新開的cafe，呢間我有幫襯什至第二日想再去一次…個蛋糕好好食…作為偽文青我首推呢條商店街，好過去岡山後樂園⋯ つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
