玩完幾日終於又病左…病住照去打工所以今日要講下打工呢件事。話咁快就打左一個月工，因為唔係日日番所以又未算係好上手，仍然唔識招呼日本客T-T。老老實實番工搵到錢幫補下當然係好，但更重要係充實下我毒撚的生活。我黎之前都冇想像過會係日本打工啦… 之前講過工作內容唔可以透露太多，大概係對旅客的客戶服務工作，大部份時候都係office做野，有時都會出去ge。之前冇諗過咁快又開始打工。其實我本身係上網想搵下放假有冇得打工換宿，就比我見到呢份工。 我見到放post係香港人中膽粗粗用中文，係中文wo！send左封email佢，點知第二日就叫我去in。不過份CV係要寫日文，日本的CV同香港好唔同，而且可以手寫，我寫左幾個鐘又唔可以用改錯帶d又要字靚。因為CV上都會寫左點解想打呢份工的原因，所以都係好地道ge香港式interview，最後就問我幾時番得工。日本一樣有試用期，所以唔可以因為係part time就hea。 工作個時基本上係用盡我識ge所有語言，其實廣東話之外其他都係爛爛地（笑）。至於同日本同事點溝通，有時要佢地講慢d就我真係唔好意思，我就英日夾雜咁講，真係唔明其實佢地會寫比我睇。呢份工最好地方係好多時候要翻譯，對於學生ge我黎講其實係好好機會。 亦都好好彩之前係香港做野都要用電話同外國人溝通，所以即使英文本身都唔係好好ge我，依家係電話到都應付到（好厚臉皮，經常係9up扮識講）至於係咪會成日OT呢，暫時黎講如果我OT超過30分鐘佢地就會開始趕我走XD 可能我個樣成日都好似要虛脫咁… つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
