天陰陰最好同朋友去手作市集，地點係大阪港附近，今日係星期六可以用一日乘車票任坐啦，去遠d都唔怕。ATC HALL其實有d似香港會展。我都係第一次去，轉左3次車頭都暈。 要買入場卷650yen嫁，早買會有優惠但係我就冇早買到啦…提提大家有興趣想睇，下一場會係5月份神戶。 目測估計都有300檔以上呢到只係其中一個hall，慢慢行都行左幾個鐘。以為日本手作會更貴，其實計番又唔算好貴大部分都係一個可接受價錢。喂！大佬呢d真係made in japan 冇花冇假。 其實真係有好多好kawaii的東東，又有好多手工餅乾蛋糕，但由於尊重他人原因，加上我唔想係咪都問可唔可以影張相。我就冇直接影d攤位。而且黎展覽的客人，比我感覺都係真心欣賞同支持呢件事。而且呢到係唔夠現金都唔緊要，可以簽卡嫁XD 同場有artist畫畫。而且唔洗驚行到肚餓冇野食，入面有美食區，中要有位坐，行到攰又可以食野。其實中有workshop比客人即時上堂。 離開展覽附近個商場都好多野睇，有日本好出名的食物模型。d菜真係好逼真。 同場加映，呢個商場有間ABC MART跳樓價，雖然唔係最新但全部平均都減2000 yen。我想買con屎好耐…1800yen 比埋稅都唔過2000… 我係香港睇中對nike成要成萬yen，今日都見到半價，不過冇晒我想要隻色啦。好啦一講波鞋我就唔停口嫁啦。 つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
