睇紅葉冇理由唔去京都，唔好意思嵐山太多人，咁去邊好。睇instagram見到永觀堂好似都幾紅下，大測前最後放洩一下，跑到京都去。大阪去京都大概一小時，即日來回唔係問題。 相關網址：http://www.eikando.or.jp/ 去永觀堂前會經過南禪寺，基本上大部分人都係走呢個路線。南禪寺都唔算好多紅葉，不過天氣好真係周圍都好靚。 影相位其實有成廿萬人影緊，我只係咁岩影到張冇咩人。閒日黎應該冇咁多人啦。 人流都係去永觀堂，不過點證我呢張相又影唔到人XD，其實真係好多人，而且好多人會去晚間賞楓。紅葉有一半比雨打左落地，但中有一半未變紅，我諗下星期都中有機會睇到，隨便放幾張比大家睇。 點擊圖片放大 參觀永觀堂內堂要除鞋，其實有D凍，因為今日得4－5度。抽住對鞋就參觀，因為人太多其實比較走馬看花。 呢頭其實冇咩野食，大部分都排晒隊，我地先食左D茶點。坐係紅葉中間嘆茶，不過係人多左小小其實enjoy唔到。呢彈野都唔平，每位600 yen，我明我明一年一度遊客生意呀ma，不過係好食的！ 離開永觀堂有間食類似大阪燒的店，的而且確我係分唔到呢d餅邊款打邊款，但我又知道佢唔係大阪個隻。老闆親自係面前燒，而且價錢都比較相宜，抵食。 睇埋日落黃昏就番去，因為巴士太多人等車，我地決定行去車站，行左20分鐘先到。黎到一段時間，其實已經習慣冇啦啦行30分鐘之內的路程，真係每日步行八千步。 ps．今日終於抽到大吉啦…（撒花）
