把口生係人到，我又控制唔到其他人諗咩。但呢到係我主場所以我有權發聲。 有某D人會覺得黎留學係好開心可以成日去玩，食好住好。我唔否定有D細細個由父母供佢出國讀書比大家GE印象都係唔洗憂個隻。但都希望大家會記得有班人係自己食自己。 我平日就係放學就係買野煮飯，食完飯溫書。我又唔係好識打掃（講過N次），間屋又舊，偶爾見到D小昆蟲真係爆晒粗。主要娛樂係係屋企睇youtube。1星期有1－2次機會外食會食好d，全靠因為我屋企租金平到喊出黎（係香港唔可能發生），慳左出黎的錢可以比我同朋友出下街。我可以話我只係一個過緊平淡生活的宅女。 老老實實我都係比較報喜不報憂，就算有咩事我只會同比較close的朋友吐苦水。唔通我之前係香港點樣點樣打工又要周圍同人講？之後比人話我廢青唔捱得咩… 其實一個人係異地生活係唔易，但係「條路自己揀，仆街可以喊，眼淚自己抺」所以我又可以講D咩呢。 其實我只係用左自己努力同勞力換取一件想做的事。 つづく
