由於開始習慣在日的一個人生活，所以每日都變得平平凡凡。我唯一最多吐糟就應該係一個來自土豪同學，我從來冇見過如此on9的人。為免引起更多矛盾問題我就唔方便係咁公開ge地方講啦。 已經開始感受到聖誕氣氛（唔好意思手機真係映得唔好XD) 話說琴日去左買年賀狀。日本雖然都有人寄聖誕卡，但好似年賀狀，姐係我地所講ge賀年卡就係每家每戶都會寄啦，我都入鄉隨俗一下。其實價錢有平有貴同買postcard差唔多，都會有人會DIY啦。我就揀左d最平一包有好多張個隻啦。由於日本係計新曆過年，所以大家應該好早就會收到我張卡啦～ 中國人所講的「利是封」，日本有卡通好多款，連膠做的都有。米奇個個真心靚搞到我都心思思想要。 杜如風介紹過的龍蝦包，雖然本身唔係日本野但係就好受歡迎。係東京有，而大阪都有分店啦。聽講星期六日係會排晒隊，今日放學去係唔洗排隊，間野係冇人到我行過左都唔覺。 我呢個係regular size 就要980 yen啦。對我呢個無業學生黎講算係貴野，但又真心好食。我推介比遊客黎到真係要試下。龍蝦之外中有其他海鮮，朋友試左個蟹肉包，佢就話龍蝦比較好食啦。留意番呢間野都係冇位坐嫁，如果住係心齋橋附近不防考慮買番酒店食啦。 つづく
