日本時間快小小我已經黎左大阪一個月啦（拍手）我之前以為放低工作黎到日本可以輕鬆下，好可惜我呢個老餅港女係第一次自己一條友生活，生活就算冇180度轉變都轉左90度。係香港平時落街買飯都懶唔洗做家務，到黎到呢到變左新手主婦，自己都信唔過自己XD 所以一黎到就病左一星期，又發燒又失聲都唔敢同阿媽講，病住做好晒所晒手續，要多謝係日本幫過我的人T=T 好多人都問我黎日本做咩，唉，其實我真係純粹「中意」同埋「想做」。你知唔知中意一樣野係冇原因？但老老實實香港社會幾差都好我都未捨棄到呢個石屎森林同埋魚旦粉囉，我又未想過要留係日本唔走，純粹覺得呢世人要黎呢個地方生活下。 或者你覺得出走呢件事係好奢侈，但人生最珍貴係時間同青春，我都冇左一大半青春啦，更加要留番美好回憶。我相信過多兩年我冇呢份勇氣，早兩年的話我又未成熟到可以一個人處理咁多野，現在是最好。 我個人一安定左之後就開始摺同埋懶，有好多野話左去做都冇做到，我咁大個人其實有時都想有人輕輕推我一下。呢幾日都有同比我早黎日本的香港前輩傾計，傾完心入面都有小小計劃啦，去玩的有、讀書又有工作都有。 我中想多謝成日同我whatapps的大家，冇左你地我可能會自閉嫁啦XD つづく
