黎左差不多成個月都冇出過夜街，琴晚係萬聖節唔係唔出呀。約左香港朋友去坐HALLOWEEN地下鐵，再去難波食飯。一路上其實都好多人扮鬼扮馬…條街真係多人到好似逼花市咁。 點擊圖片放大 HALLOWEEN列車只有一班，上唔到車真係好愁…但上到車又點，逼到阿媽都唔認得，如果係香港我已經發左皮氣，總之係你唔洗行都有人推你行個隻啦。詳情可以睇最底個條片。 有錢就緊係可以買套勁衫黎扮下野，冇錢就唯有好似佢地咁自家製，有誠意又重口味XD 心齋橋美國村難波一帶都係人頭涌涌，好多女仔中著得好sexy。但係由於人太多其實停低影相ge時間都冇。今晚最開心係食到燒鳥，傳說中的鳥貴族，飲酒又好食野又好全部都係280 yen一份，又平又好食。好食到掛住食連相機食先都唔記得左。全國都有分店，今日終於飲到啤酒好開心-V- 2個人加埋食左三千幾yen，我宣布我要再黎食。(ok我知我冇影相sell唔到你黎食啦XD) 順帶一提，鳥良係大阪都開左啦…我要食晒全大阪d雞！其實我帶左尿袋，但冇帶條線，最後係冇電拍唔到重點=W=但有興趣知道我逼左上一架咩車就睇下面啦： https://youtu.be/TRU5lmsTFoY つづく
