成日都話要multimedia，今日特別D係blog到放個vlog。 https://youtu.be/oAmSF4iKFZk 觀看前注意事項 。大臉怪出沒注意 。低質製作 。懶音達人聲音好難聽呀 是日係學校旅行日，香港會叫旅行，日本係叫ハイキング（hiking）。由於太多人去過奈良而我地又只係去左一個上晝我就唔多介紹太多啦。有與趣就睇片啦。我用左哈姆太郎最後5％電黎剪片…佢已經冇左反應啦。 補番d相先。今日主要行程係東大寺，人真係比較多啦，而且黎過就冇咩映相。其實紅葉都開始出啦，相信之後會有更多人黎。 鹿啦鹿啦同埋鹿屎啦，我會覺得周圍都係喬巴XD 自動販賣機的雪糕係又平又好食，呢個布丁味，130YEN。 番到學校附近就陪同學去配眼鏡啦，介紹番呢個brand應該好多人都識嫁啦，我個框都係呢個brand但鏡就係香港配，因為我係深近視朋友所以唔係周圍都可能配到合適的鏡。但如果你係比較淺近視不防考慮係日本配呢個，中要係一個鐘頭唔洗就可以即場拎走。價錢都係合理。唔知係咪呢邊多留學生關係，店員都會慢慢解釋再加上d英文，所以都唔洗太驚溝通唔到。 つづく
