實用文XD開始之前，先黎放張便當照，應該係我3星期以黎比較好的一個便當。老老實實呢到d泡菜真係幾好味，我依家係日本定係韓國都傻傻分不清XD咁呢d食材又係邊到黎呢？ 我自己黎日本旅行個陣比較常去的超市會係百貨公司底層個種，唔知大家又係唔係啦。依家黎到生活就緊係去番平民超市啦…留意番每間分店都會有d唔同，我今日純粹講係我附近又成日去的超市。 。LIFE http://www.lifecorp.jp/ LIFE係關東同關西地區都有分店。我附近個間有2層，比我感覺係比較似AEON個隻，有食材賣之外中有d生活用品賣，總之去一個地方就可以買齊所有野啦。 。Mandai http://www.mandai-net.co.jp/ Mandai，漢字就係「万代」，分店只在關西地區啦。由我屋企行去2分鐘就到，由於我呢到多韓國人住，我呢邊的分店明顯係多韓國野食XD 一再懷疑自己有冇去錯國家… 。C&Cエンド （業務超市） http://www.endocc.co.jp/ 業務超市其實有好多個brand，我放呢間只係咁岩係我屋企附近。業務超市係咩黎呢？我會覺得佢似批發又或者係比餐廳買黎食材的地方。咁所以份量會比夠多，而價錢就比較平。我眼見好多人揸車黎買貨嫁。當然佢都有d食材係比一般家庭買。就我所見，最平應該係飲品類，特別係酒！但我比較中意係呢到買零食，一大袋有排食，另外，我最常煮的面類都比較平。 。玉出超市 http://www.supertamade.co.jp/store/index.html 應該係比較多人識又平的超市，係大阪先有。不過我就未去過XD 以我所知係堅平，經常有1 YEN的promo。你冇睇錯係1 YEN！但都聽唔少人講覺得d食物唔夠新鮮…我冇去過就唔評論啦。 完。大家黎關西ge時候不妨留意下附近有冇呢d超市。特別送比窮遊的你，因為超市入面的便當同壽司唔差得過出面食嫁，住民宿的話更加要買料番去打邊爐啦…講起就肚餓。 つづく
