今天是吐糟文。不喜勿插。 面書有朋友放上旅行相，總會有人留comment：「你又去～」、「好有米成日去旅行」etc．你或者我都可能有可能見過呢d留言，我唔知其他人點諗，但我每次見到都唔識覆。唔通要覆「係呀吹呀～」其他人我唔知啦，有d人真係搵到錢去旅行開心下，而我好明顯就係搵唔到錢個堆（揮手區！）以前一年都去幾次旅行，雖然都只係東南亞，但次次都有人問：你又去？ 首先香港的廉航真係平到喊出黎。雖然好多人話平機票唔係成日買到，但其中一個8成買到的方法係「做毒撚」。你冇聽錯，只要你肯自己一個人去旅行，平機票好易到手，就好似演唱會一樣單丁位通常都有剩。我唔敢話100％中獎，只能夠話要慳都要付出。就算你係同幾個老死去，都要花下時間格價，同埋半夜狂禁F5啦，呢個世界冇免費的lunch喔。不過好多人都會覺得廉航冇飛機餐又怕delay點點點，我只可以補充一句：出得黎行預左要還。風險呢樣野實有嫁，咁你又買股票？ 到住宿啦，近近地以亞洲區黎講好多酒店都平過係澳門住一晚。再唔係啦，你唔mind的話咪住hostel或民宿。依家好多hostel都唔一定要同陌生人share，可以幾個老死 book一間獨立房都得。自己一個做背包客想再平d咪訓share room，分分鐘HKD 100蚊唔洗。最緊要係你肯花時間上網做research。 自從有偉大的GOOGLE之後，旅遊書其實都唔一定要買。（好啦好啦我知大家覺得點都要拎一本）不過大佬呀！個個都拎緊部smart phone啦，中拎本咁鬼厚的旅行書出去做咩？難道你部電話只係for你自拍完放上ig？其實上網search晒d資料放入部電話度咪去到邊都睇到，真係連買書錢都慳番。 買野黎講你去旅行冇可能唔買野，講到未，你去旅行為咩呢？如果你次次去都係瘋狂shopping大出血，你搵幾多都唔夠洗…如果你係習慣嘆世界咩都要最好咁你可以唔洗再睇我呢個草根blog。我知道每個人對旅行的方式同睇法都好唔同，自問都未做到窮遊。但至少做到慳得就慳啦，個世界咁大都係想出去見識下姐… 以上內容係冇包括到大家份工有幾多日大假做前提XD
