薯仔＋菇菇＋蕃茄＋芝士＝lunch box。你地覺得係好hea？我阿媽話比70分我，點解？就要繼續睇。 之前講過，今個星期開始做地獄小廚神！我都幾享受係超市買野，到今日先發現煮飯係咁辛苦。要計劃食咩，買幾多就食幾多，特別一個人食唔得多，買太多又怕過期。而且我冇電飯煲，主食係面類，或者薯仔蕃薯啦。又要預埋便當的份量，當然最緊要就係格價，以有限資金買最好最多的食物。對我呢個係香港基本上唔洗入廚房ge人黎講，用final cut pro都冇咁難＝_= 再再再再再加上我係香港係番工番工同番工，時間唔算隱定，放工就繼續偷偷地做freelance。到休息的時間真係咩都唔會做，家人都體諒我所以都唔要求我做家務。黎到大阪，第一次自己生活，打掃煮飯都係初哥，我阿媽話我呢個家務白痴都值70分！好耐冇比阿媽讚過，到左呢個中女年紀先比阿媽讚真係好無面XD 我唔望拎90分或者100分，能夠好好地自己一個係大阪生活已經好安樂。現在最想吃香港的魚旦粉...
