琴晚開始我的煮食之旅，但呢篇blog你係唔會見到我煮的任何hea食XD。對於煮食有要求者實會比個白眼我。我煮ge都只係為醫飽個肚，味道同外表都係唔重要，我之後再發相啦。 呢幾日好熱，煮完飯食完都熱到唔想郁，係呀，我成日都唔想郁。中有成日都拖地囉，由朝到晚都係到拖，強迫症太強啦。新教個課書我一隻字都未背過點搞好=_= 係香港已經好想係郵局做下野，因為我細個個時中意個郵差袋…（怪人）黎到日本啦，日本郵便局好多時都請短期工，我今日都收到宣傳單張，上網登記就ok，當然都要打下自己點解想做個d啦。由於依家日語只有BB仔程度，都唔望今年會有工做。希望係我係日本期間有機會試下做啦。要好好努力喔！ 最後放張甜品相。姐對甜食抵抗力是零，慳埋都係為左食件餅。其實我都冇咩好介紹，係日本食甜食都好小中伏，menu張圖基本上都同實物100％相似。不過留意番，日本蛋糕呀甜品呀有時真係偏甜得好緊要，如果你本身唔係好似我咁可以成粒糖都放落口的話，點餐個時就要小心啦。 報告下，收到第一張GAS單，我用得太小佢叫我等埋下個月先好交，還得神落。問番係日本住左一段時間的朋友，我個間GAS公司算係比較平的一間，謝天謝地。又因為呢個月唔係完整一個月所以可能比較平啦，估計下個月around 1200 yen到啦。我下個月會開估。依家比較擔心係電費，我覺得我用電量都算大。過幾日開估！
