放假都唔會太晏起身，太陽9點已經晒到我一定要起身啦。通常都係上下網覆下msg，打理下屋企，睇陣書。今日要出門散步啦！ 原來今日又有活動，又有成班細路走出黎。我就冇去睇啦繼續我的悠閒。 是日到附近的cafe hea下睇下書。真係唔錯，係香港，比較好小小的cafe都一定排晒隊，中要坐一陣就比人趕走。由於我呢邊係小社區，所以唔會太多人，基本上由日頭坐到天黑都唔會理你。 我又食包，因為我真係中意食包多過食飯。個樣已經似包XD 中要繼續食。老闆娘中要細心到提我d芝士好熱唔好即刻食，好貼心。凍朱古力我想飲左幾日…開花了。 有時無聊就睇下出面的風景。或者偷聽下人地講日文，好多歐巴桑都是來看報紙，大家都說今天有點熱，都點雪糕吃。呀！下次我要點蛋糕吃啦… 老是常出現的男子=_=繼續散步之旅。終於見到屋企附近的100 yen店。連水果都好平，不過好似真係冇咁靚，一分錢一分貨。但下次我會黎補買日用品啦。又近又平。 好靚。又老實講，我係香港點會冇啦啦落街散步XD。開始認下呢區d路啦，原來附近有澡堂啦…但係好多食店都冇開，唔知係咪太早呢。臨番屋企去左業務超市，就好似我地講ge批發市場。可以話係咁多間超市中最平。特別係啤酒XD掃左d貨番屋企。呀…見到一盤盤肥牛，我係時候要買個煲番屋企啦=)
