（好有隱青感覺的相，set腳架影嫁） 今天收到香港來的第一個郵包，其中一物是tempo紙巾，我等左好耐。日本的紙巾太薄我消耗得好快XD 講下收件，同香港一樣你唔係屋企的話，郵差先生會放張卡係你信箱，之後你可以根據張卡資料選擇取貨的時間和方法等等。現在好方便，基本上只要上郵便局的網頁就可以重新予約收貨時間啦。 其實我都幾中意留係屋企XD，好多朋友問我有冇去邊玩呀或者食d咩好野咁。依家的我都係好痴家，可能已經唔係後生妹妹仔啦，有時攤係床都唔信自己係日本生活。呢個算係我由細到大的夢想，不過我從來未試過自己一個住啦，一黎就出國啦自己有時覺得好唔真實。但目前為止我都中係掛住香港，暫時都唔會話想留係到一世XD係暫時的感覺啦。 食方面，唔知點解黎到冇左胃口。我明明係好大食，係香港可以自己食晒一碟大肥牛。身體似中需要多d時間去適應，畢竟作息時間，生活節奏，飲個d水都唔同左晒啦。 頑張ります！
