呢幾日係屋企都聽到鼓聲，琴晚衝落街睇，原來有祭典花車黎左我樓下。本身都唔諗住去睇，但今日有香港朋友問一唔一齊去所以就決定去睇下啦。原來由我屋企行十分鐘到就係神社啦。（sorry，我得部iphone影相咋） 一路行去已經見到花車同好多細路仔（其實係咪叫花車？叫住先） 門口已經有攤擋啦，開心子。雖然唔及上年係名古屋的大規模，但小區黎講都算熱鬧嫁啦。 影下留念但完全唔對蕉，叫做第一次係自己區參加活動。 我個衰樣就唔好睇，睇我食野啦。炸雞係我最愛。 呢d香蕉真係好hit，但我就唔好幾中意食啦。都話左唔中意食香蕉。 再黎都係食，大家都識佢，唔介紹。食完熱氣野，其實我中食左青瓜條。 一場黎到就作個福啦，不過… 抽到個凶！黎日本咁多次都未試過，雖然張野又冇話寫得好衰，但寫左不宜去旅行=( 綁左係神社應該轉到運啦掛 之後就係馬路邊等入宮，就係類似d花車入神社咁囉。我講錯可以更正我。 熱熱鬧鬧地就散場了，原來天黑左就幾凍XD 番到屋企都中聽到鼓聲，對自己住的社區又認識多左＝) 介紹番：日本每年都有大大小小的祭典，大家黎旅行之前都最好google下會唔會撞岩啦。
